Asel Luzarragaren aldeko jaialdia Bermeoko Kafe Antzokian!

Martxoaren 27 zapatuan, Asel Luzarraga idazle eta musikari Bermeotar ezagunaren aldeko jaialdia ospatuko baita. Bertan Ruper Ordorika, Rafa Rueda, Mikel Urdangarin, Tapia eta Leturia, Gatibu, Ken Zazpi, Joseba Irazoki, Kerobia, Petti, Txuma Murugarren, OST, The Uski´s, Asier Serrano eta Leire Saitua eszenatoki berean elkartuko dituen kontzertuak egongo dira, hauek modu akustikoan izanik, hori dela eta  talde bakoitzak abesti bana emango du.

Azpimarratu beharra dago jaialdia «elkartasun kontzertua»  esateaz gain «salaketa» egiteko ere badela, izan ere gobernu Txiletarraren azpi joko zikinaren biktima izan da Asel Luzarraga bertako Maputxe herriari laguntzearren.

Jialdirako sarrerek hamar euro balio dituzte eta hurrengo puntuetan erosi daiteke aurretiz:

Bermeon; Txalaparta taberna

Gernika-Lumon; Gaztetxea

Bilbon; Gatazka Gunea (Likiniano)

Errugabea delako… ASEL ASKATU!

Maputxe herria ere bai!

info +:

www.aselaskatu.org

Atxiloturiko 34 gazteei elkartasuna adierazteko manifestazioa deitu dute datorren larunbaterako Bilbon!

Atxilotuen senide eta lagunek ahal duten guztiak gerturatzeko deia egin dute eta gazte guztiak inkomunikatuta dituztela salatu dute.

Hego Euskal Herrian atxilotu zituzten 34 gazteei elkartasuna eta babesa azaltze aldera manifestazioa egingo dute larunbatean, Bilbon (17:00etan Aita Donostia plazatik irtengo da). Hala jakinarazi dute gaur haien senide eta lagunek Usurbilen (Gipuzkoa) egin dute agerraldian. Segi gazte erakundearekin lotura dutelakoan atzeman zituzten 34 gazteak, Fernando Grande Marlaska Espainiako Auzitegi Nazionaleko epaileak aginduta, eta beste zazpi ere atxilotzen saiatu ziren, baina ez zituzten etxean aurkitu. 92 miaketa egin zituzten poliziek.

Atxilotuen senide eta lagunek «Euskal Herriko eragile eta pertsona guztiei, proiektu guztiak defendatzeko aukeraren alde eta eskubide guztien alde adierazteko deia» egiten diete. Behin eta berriz berretsi dute 34 gazteak «independentistak direlako» atxilotu dituztela. «Gure senide eta gazteak independentistak dira. Independentziaren aldeko pentsamendua gazteen artean zabaltzea, independentziaren aldeko proiektuak sortzea eta etorkizun aske batekin amesteaz gain, horren alde lan sozial eta politikoa egitea da Espainiako Polizia eta Guardia Zibilak atxiki eta inkomunikaturik edukitzeko arrazoi bakarra».

Espainiako Gobernuko Barne Sailak dio «ETAren harrobiaren buruzagitza desegin» dutela, «Segiren egitura klandestinoa ia osorik» ere bai -haien arabera, herrialde eta eskualde arduradunak atzeman dituzte-, eta «kolpe gogorra» eman dutela operazioarekin. Haren arabera, bi talde zituzten osatuta: Gazte Independentistak eta Segi klandestinoa.

Inkomunikatuta dauzkate

Espainiako Poliziak eta Guardia Zibilak, ohi bezala, inkomunikatuta dauzkate atzo Araban, Bizkaian, Gipuzkoan eta Nafarroan atxilotutako 34 gazteak. Espainiako Estatuak, beraz, ez dio jaramonik egin Nazio Batuen Erakundeko (NBE) Torturaren Aurkako Komiteak lehengo astean esandakoari. Hots, NBEk eskatu zion atxilotuei ezartzen dieten inkomunikazioa bertan behera uzteko. «Estatuak inkomunikazio erregimena berrikusi behar du, hori kentzeko helburuarekin, eta askatasuna kendu zaion pertsona orok atxilotuei dagozkien oinarrizko eskubideak edukiko dituela bermatu behar du», zioen ostiralean NBEko Torturaren Aurkako Komiteak txostenean.

Senideek gaurko agerraldian atxilotuak jasaten ari diren inkomunikazio egoera salatu eta bertan behera uzteko galdegin dute. «Ez dakigu non eta nola aurkitzen diren. Badakigu, ordea, inkomunikazioa eta tortura sinonimoak izan ohi direla.

Atxilotuek konfidantzazko medikuekin egoteko aukera izatea, uneoro kamaraz grabatuak izatea eta atxiloaldian zehar haien senideei non dauden eta nola dauden jakinarazteko eskatu diote Fernando Grande Marlasca Espainiako Auzitegi Nazionaleko epaileari atxilotuen abokatuek, baina horrek eskaera guztiei ezezkoa esan die.

ATXILOTUEN ZERRENDA:

NAFARROA

1. Itsaso Torregrosa (Burlatan).
2. Garbiñe Urra (Barañainen).
3. Jon Ziriza (Barañainen).
4. Raul Iriarte (Barañainen).
5. Amaia Elkano (Iruñean).
6. Mikel Ezkiroz (Iruñean; donostiarra da).
7. Oihana Fernandez (Iruñean).

Beste hiru pertsona atxilotzen saiatu ziren Iruñerrian: Ainara Bakedano, Mikel Fernandez, Iker Martinez.

ARABA

8. Aitor Liguerzana (Gasteizen, Zaramagan).
9. Jon Liguerzana (Gasteizen, Zaramagan).
10. Ion Anda (Gasteizen, Alde Zaharrean).
11. Bittor Gonzalez (Gasteizen, Zaramagan).
12. Goizane Pinedo (Gasteizen, Errotan).
13. Unai Ruiz (Gasteizen, Errotan).
14. Jagoba Apaolaza (Gasteizen, Judimendin).
15. Zumai Olalde (Gasteizen, Txagorritxun).
16. Nestor Silva (Gasteizen, Errotan).

GIPUZKOA

17. Mikel Aiestaran (Villabonan).
18. Euken Villasante (Andoainen).
19. Garazi Rodriguez (Legorretan; Donostiako Gros auzokoa da).
20. Oier Ibarguren (Donostian, Amara auzoan).
21. Ihar Egaña (Donostian, Amara auzoan).
22. Maialen Eldua (Donostian, Egia auzoan).
23. Aitziber Arrieta (Donostian).
24. Irati Mujika (Amezketan).
25. Xumai Matxain (Zaldibian).
26. Haritz Lopez (Tolosan).
27. Ibai Esteibarlanda (Hondarribian).

Azpeitian Olatz Izagirre urnietarra atzematen saiatu ziren.

BIZKAIA

28. Oier Zuñiga (Bilbon; iruñearra da, eta Iruñera eraman dute bertako etxea miatzera).
29. Eñaut Aiartzaguena (Iurretan).
30. Haritz Petralanda (Zamudion).
31. Idoia Iragorri (Sestaon).
32. Mikel Totorika (Sestaon).
33. Naia Aguado (Sestaon).
34. Joseba Dalmau (Galdakaon).

Hauek atxilotzen saiatu ziren: Zuriñe Gojenola (Lekeitio), Gaizka Likona (Lekeitio) eta Carlos Renedo (Bilbo, Otxarkoaga auzoa).

Horretaz gain, Lekeition Haritz Olabarriaga eta Amagoia Olabarriagaren gurasoen etxera joan ziren poliziak, miaketa egin zuten baina ez zuten atxilotze agindurik erakutsi.

info+:

www.berria.info

www.gara.net

www.gaztesarea.info

Gure arrantzaleak askatu!

Azaroaren 8tik ALAKRANAri buruzko web gunea sortu dute HACK.IN#BADAKIGU elkartekoek, helbidea

Gurearrantzaleakaskatu.org da. Plataforma hau iniziatiba irekia da eta edonork parte har dezake.

Batez ere kazetarien, komunikarien eta komunikazio alorrean lanean ari diren pertsonen laguntza behar dugu blogean albiste berriak idazteko.

Parte har ezazu modu askean ALAKRANAri buruzko web gune berri honetan egoerari buruz eguneraturik egon zaitezen edota zure iritziak eta bestelakoak partekatzeko!!!

Elkartasun zozketa…

Urtero lege z Amnistiaren aldeko mugimenduak Elkartasun Zozketa burutu du. Zozketako txartelak udaberritik egon dira salgai Euskal Herri osotik eta Gernikako Urriko azken asteleheneko azokan zozketatu zen eguerdiko ordu bietan. Zozketako sariak Voskwagen California, asteburu bat nekazal turismo batean eta ordenagailu portatil bat dira.

ZENBAKI SARITUAK eta ORDEZKOAK:

 

info +:

www.askatu.org

AZAROAK 7!!! Ikasle eta Internazionalista Eguna; Arrasaten eta Altsasun!

Bai IKASLE ABERTZALEAk (IA) eta ASKAPENAk hurrengo asteburu hau aukeratu dute (Azaroak 7) euren urteroko egun handia ospatzeko. Lehenak Arrasaten  izango du topagune Ikasle Egunarekin, bigarrenak aldiz, Altsasun Internazionalista Egunarekin, hau duela hilabete bat Euskal Herrian zehar Palestinaren alde antolatutako ELKARTASUNEZ TOURen baitan ere bilakaturik egonik.

IKASLE EGUNA ’09 ARRASATE

IKASLE EGUNEKO EGITARAUA:

* 10:30etan Ikasle Topaketak
* 10:30etatik aurrera Hezkuntza Sistema Nazionalaren gunea Sebero Altube plazan:
o Umeentzako jolasak
o Barra, taloak
o Erakusketak eta Ikasle denda
* 13:30etan kalejira Ikasle topaketetatik bazkarira
* 14:00etan Ikasle Bazkaria Sebero Altube plazan
* 17:00etatik aurrera Kale giroan:
o Antzerkia
o Ikasle Musika maratoia
o Batukada
o Hezkuntza Sistema Nazionalaren gunea
* 19:30etan Manifestazioa eta ekitaldia Sebero Altube plzatik
* Gauean Kontzertuak unibertsitatean: Sarrera aurretiz 15€, eta bertan 18€
o Karpa handian: Des-Kontrol, KOP, Esne Beltza, Zea Mays, Beste Bat erromeria
o Ezker paretan: Radio Afu

Ikasle Egunerako Autobusen irteera Bizkaian:

Goizean                                                                    Arratsaldean

09:00etan Bilbo (Termibus)                        17:00etan Bilbo (Termibus)
09:30etan Zornotza                                               17:30etan Zornotza
09:45etan Durango                                                  17:45etan Durango

INTERNAZIONALISTA EGUNA ’09 ALTSASU

INTERNAZIONALISTA EGUNEKO EGITARAUA:

GOIZEAN: 11:30tan Baratzeko Bide Plazan:

txistulariak, trikitilariak, albokariak, dantzak, auzatea, haurren txokoa, herri kirolak, Porrotx, olibondo landaketa, poesia irakurtaldia.

EGUERDI/ARRATSALDEAN: 14:30tan Burunda Frontoian:

HERRI BAZKARIA 500 lagunentzat (12€), Iñigo Izagirre, Xabier Silveira, Nabil Monsour (Palestinarra), Fermin Valencia.

ILUNTZEAN: 18:30etan:

PALESTINA ASKATU! ISRAELI BOIKOT!: HERRI MANIFESTAZIOA eta EKITALDI POLITIKOA, eta 20:00etan Iortia aretoan (4€): Joseba Tapia, Basel Zayed, kalejira batukada.

GAUEAN 23:30etan gaztetxean (3€):

Garagardogura, Arrebote, Eñaut Elorrieta, DAM, 3:30etan DJ Ssesion.

Internazionalista egunerako autobusen irteera Bizkaian:

Bi aukera dago bai Bilbotik eta Busturialdetik, lehenengo kasuan Bilboko Errondabide Herriko Tabernan eman behar da izena, eta Busturialdeko busa hartzeko Bermeoko Bolatoki Herriko Tabernan edota Gernikako Gaztetxean.

Info+:

Ikasle Eguna’09 Arrasate: http://ikasleabertzaleak.org/index.php?option=com_content&view=category&layout=blog&id=22&Itemid=17

Internazionalista Eguna’09 Altsasu: http://askapena.org/?q=eu/category/5

URRIAK 31 Palestina Tour GERNIKAKO GAZTETXEAN!

elkartasunez tourra ate joka daukagu, Euskal Herri osoan hamaika kontzertu, bertso-saio, mahainguru, zine maratoi eta denaren ginda: Azaroaren 7an Altsasun ospatuko dugun Internazionalista Eguna.

Palestinatik DAM (myspace-n) hip-hop taldea, Basel Zayed (myspace-n) folk musikaria, Nabil Monsour bakarlaria eta Ahmad Naamnah eta Muhammad Zoabi bertsolari palestinarrak etorriko dira eta hainbat emanaldi egingo dituzte artista euskaldunekin batera:

Arrebote, Stockholm, Mikel Urdangarin, Petti, Uxue Alberdi, Jon Maia, Txuma Murugarren, Fredy Paia, Anje Duhalde, Miren Artetxe, Amets Arzallus, BAD Sound System, Indarrap, Eñaut Elorrieta, Joseba Tapia, Sustrai Kolina, Jexux Mari Irazu, Igor Elortza, Iñigo Izagirre, Gargardogura, Fermin Muguruza checkpoint-rock, Porrotx, Fermin Valencia…

Artista guzti hauei bai eta gaztetxe, musika areto eta lagundu gaituzten udalerriei eta gure esker ona eta besarkadarik beroena bidaltzen diegu, izan ere, elkartasunez tour auzolanean oinarritzen den ekimena da. Aupa zuek!!!

Orain euskal herritarroi dagokigu lekukoa hartzea: elkartasunez manifestuari atxikitu eta arloz arlo Israeli Boikot mugimendua indartu beharrean gaude aurkezpenean diogun bezala, munduko beste herri askotan gisara Euskal Herrian sionismoaren ordezkaririk ez dugula onartzen aldarrikatzen, borrokatzen, kantatzen, dantzatzen, margotzen…

Honezkero 200 baino gehiago musika talde, irakasle, kirolari, dantzari, artista, idazle, bertsolari eta elkarte gara, Palestinatik datorren deiari erantzun diogunak. Izan ere, elkartasunez manifestua Palestinan idatzia da (www.pacbi.org).
Bertan 3 aldarrikapen egiten dira:

• Israelen bizi diren palestinarrak eskubide zibil eta politiko guztien jabe izatea eta baztertuak ez izatea.
• Zisjordaniaren okupazioa bertan behera lagatzea (Jerusalem barne).
• Errefuxiatu palestinar guztien itzultzeko eskubidea.
  

Sudafrikan beltzen aurkako apartheid-a indarrean zegoenean, izugarrizko boikot eta desinbertsio mugimendua sortu zen herri askotan. Eta beltzen borrokarekin batera, nazioarteko presio hori jasanezina bihurtu zen boterean zeuden arrazistentzat.

Gaur munduko herri askotan Palestinarekin elkartasunez, «Israeli boikot» mugimendua indartzen ari da. Veolia garraio konpainiak bertan behera utzi du Jerusalemgo «apartheid tranbiaren» eraikuntza boikotaren aldeko mugimenduaren presioagatik, Suedia eta Israel-en arteko Davis Copako tenis partida ikuslerik gabe jokatu behar izan zen manifestarien presiogatik, Turkian bertan behera geratu behar izan zen saskibaloi partida bat, Israelgo ontziak Grezian eta Sudafrikan porturatu gabe gelditu dira portuetako langileen boikotagatik, sionismoa, sarraskiak,
apartheid harresia… defendatzen duten artistak, kirolariak, etab. gero eta boikotatuagoak dira.
Euskal Herrian ere boikot mugimendu hau indartzen doa, pausuz pausu esparru berriak irabazi eta gure herrian sionismoari ateak ixten ari gatzaizkio. Denok gara beharrezkoak gure unibertsitatean, gure kirol edo kultur taldean, gure lantegian, gure herrian sionismoaren presentzia itogarria egiteko.
Mugimendu honen parte izan nahi baduzu, sinatu manifestua (israeliboikot@gmail.com helbidera atxikimendua bidali) eta ekin lana eta borrokari!

BUSTURIALDEKO ESKUALDEAN Gernikako gaztetxean burutuko da elkartasun ekimen hauek, egitaraua:

URRIAK 31 ZAPATUA:

19:00etan FILME EMANALDIA:

«Domicilio privado» (90min)
21:00etan KONTZERTUAK: sarrera doain
ARREBOTE (Sakana)
STHOCKLOM (Zarautz)
NABIL MANSOUR (Palestina)

AZAROAK 1 DOMEKA:
18:00etan ERREPORTAI EMANALDIA:
«Children of fire» (50min)
«Jenin Jenin» (50min)

Horretaz gain, eskualdeko autobusa antolatuko da Azaroak 7an Altsasura joateko, izena emateko:

BERMEOn: Bolatoki Herriko taberna.

GERNIKA-LUMOn: Arrano Herriko Taberna eta Gaztetxea.

URRIAK 24 ZAPATUA: Prentsaurrekoa burutuko da Gernikako Gaztetxearen aurrean arratsaldeko 6retan

ANIME TA ERDU!!!

EUSKAL   HERRIA   PALESTINAREKIN   ELKARTASUNEZ!!!

HAMAIKA   HERRI   BORROKA   BAKARRA!!!

info+:

www.askapena.org –> Herriekiko euskal elkartasuna lantzen duen talde internazionalistaren web gune ofiziala.

www.pacbi.org –> Palestinian Campaing for the Academic & Cultural Boicott of Israel.

www.israeliboikot.org –> Israeli boikota euskal ekimena.

30 urte Antolatzen Borrokatzen!

Jarrai jaio zenetik 30 urte betetzen diren honetan, Gazte Mugimenduaren sorrera ekarri zuen jaiotzatik 30 urte betetzen diren honetan, Gazte Independentistek atzera begiratuz aurrera jarraitzeko ordua dela argi ikusten dute, euren aurretik egon zirenak egin zuten lanaz ikasi eta aurrera egiteko unea dela argi ikusten baitute. Horren arira ostiral honetan Gasteizen egitarau sinple bezain polit bat prestatu dute. Azken 30 urteetan Gazte Mugimenduan militatu duen jendea elkartzeko une egokia da hau.

URRIAK 17 LARUNBATA

• 12:00tan harrera eta zintzur bustitzea, animaturik
• 14:00tan bazkaria
• Arratsaldean karaokea: kantatzen duen herri bat ez da inoiz hilko
• 20:00etatik aurrera kontzertuak: Egurra ta kitto, Skatu eta Itziarren Semeak
• Eguerditik iluntzera haurrentzako txokoa ere izanen da.

Eskualdeko autobusak antolatu dira, Busturialdeko kasuan igaro Herriko tabernatik.

Gora Gazte Mugimendua! 30 urte ANTOLATZEN BORROKATZEN!

Astelehenean manifestazioak burutuko dira Hego Euskal Herrian

Urriaren 12an Euskal Herrian ez dugula ezer ospatzeko adierazi eta manifetsazioetan parte hartzeko deia burutu zuten gerra zikinaren ondorioak jasan dituzten herritarrek.

 

Gerra zikinaren eta faxismoaren aurkako mobilizazioak urriaren 12an:

Donostian, arratsaldeko 18:00etan Bulebarretik abiatuta

Bilbon, arratsaldeko 19:30etan Indautxu plazatik abiatuta

Santurtzin, arratsaldeko 19:30etan udaletxe aurretik abiatuta

Iruñean, arratsaldeko 17:30etan autobus geltokitik

Gasteizen, arratsaldeko 19:00etan Korreosetik

URRIAREN 12AN EZ DUGU EZER OSPATZEKO!!!

ALDE HEMENDIK!!!

AGERRALDIAN IRAKURRI ZEN TESTUA:

Egunon guztioi eta mila esker agerraldi honetara hurbildu izanagatik,

Azken urte edo hilabeteotan errepresioaren eragina modu ezberdinean jasa dugun herritarrak bildu gara hemen.

Euskal Herrian konpondu gabeko gatazka politiko baten zurrunbiloan jarraitzen dugu oraindik orain, izan ere, herri honen eskubideak aitortu eta benetako konponbide justu eta demokratiko baten alde egin ordez, bestelakoa izan da bi estatuek hartu duten bidea. Errepresioaren bideari lotu zitzaizkion bere garaian frantziar eta espainiar estatuak, eta 2009. urtean, oraindik orain bide horri loturik jarraitzen dutela agerikoa da.

Hamaika aurpegi ditu errepresioak, eta guztiak erabili dituzte Euskal Herrian disidentzia politikoarekin amaitzeko asmo bakarra izan duten unean uneko barne ministro eta presidenteek. Martin Villatik hasi eta Rubalcabaraino errepresio politikoa izan da estatuak Euskal Herriari egin dion eskaintza politiko bakarra.

Abendutik hona izan diren lau bahiketa politikoek eta Jon Anzaren desagerpenak garamatzate hau esatera. Errepresio estrategia jauzi berriak ematen ari da, eta ez da kasualitatea Euskal Herrian zortzi hilabeteren buruan Alain Berastegi, Lander Fernandez, Dani Saralegi eta Juan Mari Mujika bahituak izatea eta Jon Anzak desagerturik jarraitzea. Honek guztiak ondo marrazturiko jarduera bati erantzuten dio. Errepresio estrategiaren baitan militante politikoak bahitzeari ekin diote, militantzia politikoa zigortu, disidentzia politikoan beldurra zabaldu eta informazio politikoa lortzeko helburuarekin. Gerra zikina iragana baino oraina da Euskal Herrian.

Jonek desagerturik daramatzan bost hilabete hauetan erakunde publikoak eta klase politikoa isilik mantendu dira. Azken egunetan informazio berriak plazaratu dira eta honek pentsatzera garamatza Euskal Herriko klase politikoan inork baduela informazio gehiago desagerketa honen inguruan. Erakunde eta alderdi politikoei desagerketa honen aurrean jarrera argi bat hartzeko eskaera egin nahi diogu. Hemen jada ez du balio isilik egoteak, gai honen inguruan adierazpenik ez egiteak. Inork informazioa badu, Jon non dagoen eta zer gertatu den argitzeko balia dezala eskatzen dugu. Pertsona baten desagerpenaz ari gara, guda zikina indarrean dela adierazten duten gertaeren testuinguru batean. Arduraz jokatzea da eskatzen dioguna Euskal Herriko klase politikoari, instituzioei, kazetariei. Isiltasun honekin amai dezaten eta eskura dituzten baliabideak erabil ditzaten eskatzen diegu: Jon aurkitzeko, zer gertatu den argitzeko, ardurak mahai gainean jartzeko eta batez ere, guda zikina behin betirako Euskal Herritik desagertzeko.

Errepresio estrategiaren porrotak errepresio bide are basatiagoak martxan jartzera eraman ditu, herri honetan eremu baten aurka denak balio duen etenik gabeko jazarpen egoera bat sortu dutelarik. Errepresioak intentsitatez gora egin du azken garaietan, eta horren adibide dira bahiketa politikoez gain preso politikoen argazkien aurkako sorgin ehiza edo Ertzaintzaren bortizkeria bera. Honekin batera, errepresio giro honetan jarduera faxisten ugaritzea ematen ari dela ikus dezakegu, besteak beste gure senideen memoria erasotzeari ekin diotelarik. Europan inon ez bezalako polizia kopurua dugu Euskal Herrian, kolore guztietako uniformez apaindurik. Poliziak demokrazia eta bakea bermatzeko daudela saldu izan digute, baina hori horrela balitz hemen inon baino demokrazia gehiagorekin inon baino baketsuago biziko giñateke. Baina hemen dauden milaka polizien lana ez da hori justuki. Hemen poliziak torturatu egiten du, herritarrak jipoitu eta atxilotzen ditu, kontrolez betetzen ditu errepideak eta disidentzia politikoak jarraituak eta jazarriak dira bere eskutik. Benetako estatu autoritario batek benetako salbuespen egoera ezarri du Euskal Herrian.

Urriaren 12an ez dugu ezer ospatzeko. Egun honek errepresioa, Guardia Zibila, tortura eta gerra zikina sinbolizatzen du Euskal Herrian. Honen aurrean konponbide demokratikoa da guk aldarrikatzen duguna. Eta argi dugu bide errepresiboa eta soluzio demokratikoak ez direla osagarriak, kontrajarriak baizik. Guk Euskal Herriak bizi duen gatazka politikoa konpontzea nahi dugu, herri honetan justizia eta demokrazia ezartzea bilatzen dugu, errepresioaren benetako memoria egitea. Etorkizun demokratiko baterako bidean beharrezkoa ikusten dugu halabeharrez mugarik ez duen errepresio eta jazarpen ero honi bidea ixtea. Horma bat jarri behar dugu herri honetara sufrimendua eta gerra baino ez dakarren bidearen erdian, eta herritarren mobilizazioaren eta presioaren bidez soilik lortuko dugu hori egitea. Gaur arte, gerra zikinaren aurrean beharrezkoa izan da mobilizazioa, herritarren babesa eta aktibazioa. Gerra zikin berrituaren aurrean ere mobilizatzen jarraitzeko deia egiten dugu.

Zentzu honetan, egun horretan hego Euskal Herriko lau hiriburuetan burutu diren manifestazioetan parte hartzeko deia luzatzen dugu.

Bereziki, gaurko honetan Jon Anzaren senideei gure babes eta maitasun osoa eskainiz amaitu nahi genuke agerraldia.

Mila esker guztioi.

info+: www.askatu.org

Urriaren 12an herri eskolak burtuko dira istitutuan IAk antolatuta!

 1998az geroztik urtero egin ohi den bezala, urriaren 12a jai egun arrotza izanik, IAk antolatuta herri eskolak burutuko dira Hego Euskal Herriko ikastetxeetan. «Euskal ikasleok, urte osoan zehar Hezkuntza Sistema Propioa eraikitzeko lanean badihardugu, urriaren 12an lan hori bikoizteko prest gaude», adierazi dute. Nafarroan 1512an eman zen konkista izango da aurtengo gai nagusia, gure historia propioa landuz.

Urriaren 12a oso egun esanguratsua da Araba, Bizkaia, Gipuzkoa eta Nafarroako ikasleontzat, eta ez ospatzeko ezer dugulako, urtez urte nahi ez dugun zerbait ospatzea inposatzen digutelako baizik.

Colon Ameriketara iritsi zela ospatzen dute espainiar patroiaren eguna den Pilarica egun honetan. Bertako lurrak sakeatu eta espainiarrek beraien inperioa handitu zutela hain zuzen ere.

Baina euskaldunontzat, bestelako esan nahia du gorderik egun honek. Urriaren 12a guretzat inposaketaren eguna baita. Egun honetan ospatzeko ezer izan ez, eta gure nortasun eta kulturaren gainetik, beraiena inposatzen baitigute.

Hezkuntza Sistema Arrotzek beraien jai egun eta eduki arrotzekin ospatzen duten eguna da urriaren 12a: Hispanitatearen egunaren edukia barneratzen digute, honen esan nahi eta ikonografiarekin, eta Espainian jai egun nazionala izanik, egutegi propiorik ez eta espainiarrena izatera behartzen gaituzte. Egutegi Arrotzen eta Curriculum Arrotzen jai eguna dela esan dezakegu, beraz.

Hezkuntza Sistema Arrotzek, euskal ikasleak espainol egiteko beste tresna bat besterik ez dira horrelako egunak, euskal ikasleok harro sentitu behar al dugu bada, gure herria zapaltzen duenaren egun nazionala ospatzerakoan?

Egun honetan Hezkuntza Sistema Propioa zapaltzen dutela agerikoa da, beraz. Euskaldunok Hezkuntza Sistema Nazional bat izateko dugun eskubide eta beharrizana urratu eta gure herriaren kultura eta historia kontuan izan gabe, jai egun arrotzak ospatzera behartzen gaituzte.

Guk aldiz, Hezkutza Sistema Propio baten beharra dugu, Euskal Herriaren biziraupena bermatu eta euskal herritar gisa jarduteko. Eta egia esan, asko izan dira norabide honetan azken urteetan eman ditugun urratsak.

 Euskal curriculuma behar dugu, euskal edukiz osatua egongo den curriculuma, euskal kultura, historia eta hizkuntza ardatz izango dituena.

Eta euskal egutegia behar dugu, euskal herritar bezala, gureak diren egunak ospatu eta gure identitatea garatzeko.

Hau guztia kontutan izanda, jai dute ikasle eta abertzaleok horrelako egun batetan etxean, ezer egin gabe guardia zibilaren desfileak ikusten geldituko garela uste badute! Jai dute, Hezkuntza Sistema Arrotzek bortxaz inposaturiko edukiak txintik esan gabe tragatuko ditugula uste badute, eta jai dute, beraien jai egunetan jai hartuko dugula uste badute!

Euskal ikasleok, urte osoan zehar Hezkuntza Sistema Propioa eraikitzeko lanean badihardugu, urriaren 12an lan hori bikoizteko prest gaude.

1998.urtetik, Ikasle Abertzaleak-ek lehenengo herri eskolak antolatu zituenetik, urtez urte asko izan dira ofizialki ez bada ere, zabaltzea lortu ditugun ikastetxeak. Asko izan dira landu izan ditugun edukiak.

Herri eskolak antolatzea, Hezkuntza Sistema Arrotzekiko borrokan, ikasleok daukagun intsumisio jarrerarik garrantzitsuena da. Inposaketak gainditu, eta ikasleok, ikasleontzat diren eskolak antolatzen ditugu urtero. Egunerokotasunean, curriculum arrotzetan oinarritzen diren edukiek erakusten ez digutena ikasteko baliatzen ditugu gainera herri eskolak.

Intsumisio jarrera honekin beraz, ikasleok Euskal Eskola Nazionala praktikan eraikitzeko urratsak ematen ditugula ulertzen dugu. Diskurtso bat garatzeaz haratago, Estatuek inposaturikoari alternatiba errealak mahai gaineratu eta eduki propioak lantzeko esparruak eskaintzen baititugu.

Aurtengoan, eskoletan ezkutatzen diguten gure historia lantzeko hautua egin dugu. 1512 an eman zen Nafarroako konkistaren inguruan hitz egiteko parada izango dugu herri eskola hauetan. Gure nortasuna eraikitzeko historia ezagutzeak duen garrantziaz kontziente izanik, ikasleok gure buruak formatzearen ezinbestekotasuna ikusi eta urriaren 12a horretarako erabiliko dugu.

Horretarako, Nafarroa 1512-2012 plataformakoen laguntza izan dugu, eta hemendik, eskerrak eman nahi dizkiegu beraien laguntza eta beraien lanarengatik.

Baina horretaz gain, lekuan leku garrantzitsuak izan daitezkeen gaiak ere landuko dira ikasleen artean. Inguruak eragiten duten, eta egunerokotasunean hezkuntza prozesuan isladarik ez duten gaiak, hain zuzen ere.

Beraz, aurten 50 eskola zabalduko ditugula esan dezakegu. Horietatik 3 gainera, modu ofizialean, edo bai behintzat normaltasunez irekiko direla jakin ahal izan dugu. Bat gipuzkoan, eta bizkaian bi.

Besterik gabe, euskal ikasle guztiei guretzat jai egun arrotza den horretan intsumisio jarrera bat izan eta klasera joateko deia egin nahi diegu. Ulertu dezagun guztiok, guztion konpromisoz eta eginahalaz, lortuko dugula herri honek herri bezala garatzeko behar duen egutegi propioa lortzea.

Probintzi bakoitzan herri eskolak egingo diren tokien zerrenda:

• GIPUZKOA
  • Azpeitia: Ikasberri ikastolan
  • Eibar: Bertako Gaztetxean
  • Arrasate: Bertako Gaztetxean
  • Deba: Plaza Kultur Etxean
  • Zumaian: Galdetu bertako ikasleei
  • Hernani: Galdetu bertako ikasleei
  • Donostia:Usandi, Luberrin,  Zurriolan eta Ibaetako kanpusean
  • Mutriku: Institutuan

 

• NAFARROA
  • Altsasu: Institutuan
  • Leitza: Amazabal institutuan
  • Tafalla: Galdetu bertako ikasleei
  • Lizarra: Galdetu bertako ikasleei
  • Iruñerria: Txantrean (Eunate, Nekazal, La Virgen), Biburdana, Alaitz, Askatasuna, San Fermin-en

 

• BIZKAIA
  • Lekeitio: Ikastolan,  eta Iturriotz institutua
  • Markina: Lea artibai ikastetxean eta Bekobentan
  • Durango: Institutuan
  • Iurreta: Institutuan
  • Portugalete: Astilekun
  • Barakaldo: Beurkon
  • Santurtzi: Axularren
  • Galdakao: Alexalden
  • Balmaseda: Institutuan
  • Derion: Institutuan
  • Mungia: Institutuan
  • Erromo: Bertako gaztetxean
  • Algorta: Aixerrota institutuan
  • Bilbo:Urretxindorra ikastolan, Icen
  • Igorre: Institutuan
  • Gernika: Barrutin eta Iinstitutuan
  • BERMEO: INSTITUTUAN

• ARABA
  • Laudio: Ikastetxean
  •  Amurrio: Ikastetxean
  • Arabar Errioxa: La PueblaKo ikastolan
  •  Gasteiz: Ekialde, Mendebalde, Koldo Mitxelenan eta kanpuseko magisteritza eskolan

Zentro bakoitzak bere ordutegia izango da, beraz adi egon tokiko kartel edota bestelakoetara!!!!

EGUTEGI ARROTZARI, MARRA GORRIA! Hispanitatearen egunean, ikasleok klasera!

Info+: www.ikasleabertzaleak.org (IAko web gunea)

Presoen argazkiak; ELKARTASUNA…!!!

Martin Scheinin. (Giza Eskubideen NBEko kontalaria)

Scheininen ustez, helburu humanitarioengatik erakusten dituzte senideek irudiak, eta ez dute goratzen terrorismoa.

Terrorismoaren kontrako borrokan giza eskubideak bermatzen ote diren aztertzea dagokion kontalariaren ustez, terrorismoa goratzeko delitua ez da argia, eta moldatu egin behar litzateke.

«Presoen argazkiak erakustea ezin da delitu izan berez»

Terrorismoaren kontrako borroka eta giza eskubideak hizpide hartuta EHUn hitzaldia eman ondorengo tarte estuan erantzun ditu BERRIAren galderak Martin Scheininek (Helsinki, Finlandia, 1954). Prestutasuna erakusten du, atsegin eta serio aritzen da aldi berean, eta diplomazia gordetzen badaki. Akusazio gordinak egitea eta gai korapilotsuen sakontasunean murgiltzea saihesten du.

Terrorismo kontzeptua Espainian zabalegi erabiltzen dela ohartarazi duzu giza eskubideak errespetatzen ote diren ikertzeko egindako txostenean. Eta, horren izenean, oinarrizko eskubideen urraketa eman daitekeela. Zergatik diozu hori?

Espainiako Zigor Kodearen 571. artikuluan terrorismoari buruz ematen den definizioa ondo ikusten dut. Arazoa da hurrengo artikuluek terrorismoaren definizioa zabaltzen dutela, eta, nire ustez, gehiegi zabaltzen dutela. Batez ere, terrorismoa goraipatzearen inguruan, kale borrokaren inguruan eta kolaborazioaren inguruan uzten diren interpretazioak zabalegiak dira. Hedapen horrek arazoak ekar ditzake praktikan. Egun, kolektibo batzuk edo pertsona batzuk estigmatizatuak izan daitezke terrorista etiketarekin, beraiek, zentzu estuan, terroristak ez diren arren.

Zer da erakunde armatuari laguntza ematea edo terrorismoa goratzea? Nola interpretatu behar da?

Nire ustez, goraipatzearen ordez inzitatzea terminoa jaso beharko litzateke. Inzitatzeak izan behar luke delitua. Hau da, delitu egitera bultzatzeak. Eta, inzitazioak, bi osagai izan beharko lituzke: batetik, asmoa; beste norbaitek delitu egin dezan nahia izatea. Beste osagaia osagai objektiboa da; benetako arriskua egon behar du beste pertsona horrek delitu hori egiteari dagokionez. Bi elementuak hartu behar dira kontuan. Hori, nire ustez, nahikoa izango litzateke dauden arazoei eusteko.

Zentzu horretan, azkenaldian badago polemika presoen argazkien auziarekin. Jo daiteke delitutzat, esaterako, presoen eskubideen defentsan egindako protestetan argazkiak erakustea edo leku zein taberna pribatuetan izatea?

Nire abiapuntua eta nire ustea da senitartekoek argazki horiek erakusten dituztela helburu humanitarioengatik. Senitartekoen eskubideak babesten dituztelako. Horrek izan behar du abiapuntua gaia aztertzeko. Beraz, presoen argazkiak helburu humanitarioengatik erakusten direnez, berez, hori ezin da delitu izan. Hori ez litzateke terrorismoa goratzea, edo, hobeto esanda, delitu egitera bultzatzea. Edozein kasutan, horrek ez du esan nahi kasu guztietan horrela denik, baina, berez, presuntzioak hori izan behar du.

Onartzen dut egon daitekeela hizkuntza sinboliko bat. Adibidez, gurutze gamatuak edo nazien esbastikak erabiltzea, hori hizkuntza sinbolikoa da, eta hori debeka daiteke. Pentsatu badela judu komunitate bat eta bere taberna edo lokaletan gurutze gamatua agertzen dela. Hori debeka daiteke. Argazki batzuk edo kartel batzuk egon daitezke hizkuntza sinboliko horren barnean. Baina hori horrela izan daitekeela pentsatzeko beti egon behar dute bi elementuek: kartel horien bitartez delitu egitera bultzatzeko asmoak, eta benetako arriskua inzitazio hori delituetan gauzatzeko. Bi elementu horiek gabe ezin daiteke esan hori inzitazioa denik. Izan daiteke hizkuntza edo keinu desatsegin bat, baina ez inzitazioa, eta, beraz, ez delitua.

Esana duzu ekintza bat delitu izan dadin aurrez argi ezarri behar dela ekintza hori delitu dela. Azken urteetan egoera nahasiak eman dira. Argazkiena adibide bat da; «terrorismoa goratzea» edo hari laguntzea zer den ere legeak ez du argi zehazten; Parot doktrina-rekin, bat-batean luzatu dizkiete espetxealdiak presoei, aurrez jakin gabe. Onargarriak dira halako egoerak? Egin daiteke zerbait halakoen aurrean?

Jendeak helegiteak aurkeztu behar ditu horrelakoetan. Ez dago bitarteko azkar bat definizio hedapen horri aurre egiteko. Errekurtsoak egin behar dira. Ni nazioarteko zuzenbidera jotzearen aldekoa naiz. Estatuetatik kanpo badaude beste jardunbide batzuk helegiteak aurkezteko. Bide horietara jo behar da: helegiteak aurkeztu estatutik kanpo.

Bide horiek ematen dute fruiturik?

Eztabaida bizirik mantentzea da kontua. Ez badizute kasu egiten berriro aurkeztu behar duzu arazoa, eta agian zure argudioak onartuko dituen nazioarteko auzitegi edo batzorde bat egongo da.

Nazioarte mailan, «terrorismoaren aurkako borrokan» giza eskubideak bermatuko dituen auzitegi berezitua sortzea proposatu duzu. Zergatik? Zein litzateke haren egitekoa?

Nire ustez, auzitegi horrek gauza asko konponduko lituzke, eta buru-belarri ari naiz asmo hori bete nahian.

Estrasburgoko Giza Eskubideen Auzitegia baino haratago joango litzateke? Zein desberdintasun luke?

Bai, haratagokoa litzateke. Nire proiektua aurrera aterako balitz, auzitegi horrek estatuek egindako urraketak ez ezik, nazioarteko beste erakunde batzuk egin ditzaketen urraketak ere aztertuko lituzke. Somaliako piratena, adibidez, edo talde terroristek egindako urraketak, esaterako.

Zein iritzi duzu Alderdien Legearen inguruan? Alderdi eta gizarte eragile ugari legez kanporatu ditu.

Nire ustez politikan parte hartzeko eskubidearen aurka egiten du, eta aztertu egin beharko litzateke.

‘Egunkaria’-ren aurkako epaiketa azaroan hasiko dela aurreikusten da. Zein iritzi duzu auziaren inguruan?

Ez dut iritzirik ematen oraindik epaitu gabe dauden auzien inguruan. Nire txostenean ere ez nuen horregatik sartu. Egoeraren berri badut, baina oraingoz ezin dut iritzirik eman.

Inkomunikazioa ezabatzeko eskatu diozue nazioarteko kontalariek behin eta berriz Espainiari, baina entzungor egin izan du. Egin daiteke beste urratsik?

Gure ardura da Espainiari gogoraraztea badaudela nazioarteko konpromiso batzuk eta inkomunikazio sistema ez dela horrekin bateragarria. Ez dela onargarria. Behin eta berriz gogorarazi behar diogu. Hain zuzen, inkomunikazio sistema da Espainiaren kasuan kezkagarrien iruditzen zaidan alorra.

Irailaren 11ko erasoen ondoren, segurtasunaren eta askatasunaren arteko balantzak segurtasunaren alde egin zuen nazioarte mailan, askatasun eta eskubideen kalterako. Horri buelta ematen hasiko zaiola uste duzu? Obamaren aroarekin balantzaren oreka aldatuko dela?

Baikor naiz, baina zortzi urtean egindako nahastea konpontzeko 30 urte beharko dira. Beraz, Obama batekin ez da nahikoa. Belaunaldi oso bat behar da. Teknikoki ere asko kostatzen da horri buelta ematea. Asko kostatzen delako sortu zituzten artikulu eta segurtasun sistema eta agentzien ezohiko aginteak ezabatzea.

* BERRIA egunkariari egindako elkarrizketa Leioako fakultatean egindako hitzaldiaren ostean.

info+: http://www.gara.net/paperezkoa/20091006/160146/es/Espana-no-quiere-admitir-que-haya-algo-mal-su-legislacion